«Барселона» ҳужумчиси Роберт Левандовски ўзининг келажаги борасидаги фикрлари билан ўртоқлашди.
«Мен яқин уч ой ичида бир қарорга келаман. Барселонада биз учун керак бўлган ҳамма нарса бор, оилам ва мен ўзимизни бу ерда жуда қулай ҳис қилмоқдамиз», — деди Левандовски Sky Sports нашрига берган интервьюсида.
Аввалроқ, «Барселона» 37 ёшли ҳужумчи билан шу ёзда тугайдиган шартномани узайтириш ниятида эмаслиги ҳақида хабарлар тарқалган эди. Шунингдек, ушбу вазият фонида польшалик футболчи профессионал фаолиятини бутунлай якунлаши мумкинлиги ҳақидаги миш-мишлар ҳам пайдо бўлди.
Маълумот учун, Левандовски 2022 йилдан буён «Барселона» шарафини ҳимоя қилиб келмоқда. Жорий мавсумда ҳужумчи барча турнирларда 32 та ўйинда майдонга тушиб, 14 та гол урди ва учта голли узатмани амалга оширди.
