«Барселона» клуби шу ёзда «Атлетико Мадрид» ҳужумчиси Хулиан Альваресни ўз сафига қўшиб олиши мумкин.
Каталонияликлар Роберт Левандовскининг шартномаси якунлангач, жамоани тарк этиши эҳтимолини инобатга олиб, турли вариантларни кўриб чиқишни бошлашди. Альварес — «кўк-анорранглилар» спорт директори Деку учун устувор номзод ҳисобланади.
Бироқ, «Атлетико» ўз ҳужумчиси учун жуда юқори нарх белгилаган. Мадридликлар Хулиан Альварес учун 100 миллион евро талаб қилишлари кутилмоқда. Шунингдек, «Барселона»нинг шорт-листидан Душан Влахович ҳам жой олган. Сербиялик футболчи «Ювентус»ни эркин агент сифатида тарк этиши мумкин.
