«Ювентус» клуби, агар Чемпионлар лигаси йўлланмасини қўлга киритса, «Ньюкасл Юнайтед» ярим ҳимоячиси Сандро Тоналини сотиб олишга ҳаракат қилиши мумкин.

Италиялик футболчи Турин клубининг ёзги трансфер ойнаси учун устувор мақсади ҳисобланади. «Ньюкасл» эса Тоналининг трансферини кўриб чиқишга тайёр. «Қарғалар» ўз ўйинчиси учун камида 75 миллион евро олмоқчи. Инсайдер Николо Скиранинг ёзишича, «Арсенал», «Манчестер Юнайтед» ва «Реал Мадрид» ҳам ушбу иқтидорли футболчига қизиқиш билдирмоқда.

Сандро Тоналининг «Ньюкасл» билан амалдаги шартномаси 2028 йилнинг июнигача (айрим манбаларга кўра 2029 йилгача) мўлжалланган. Маълумот учун, Тонали фаолияти давомида «Милан» сафида 130 та ўйинда майдонга тушган, АПЛда эса «Ньюкасл» учун ҳозиргача 70 дан ортиқ баҳсда иштирок этган.