Лондоннинг «Челси» клуби ярим ҳимоячиси Мойзес Кайседо Англия Премьер-лигасининг жорий мавсумида тўпни тўсиб қолиш бўйича энг яхши кўрсаткичга эга бўлиб турибди.

«Squawka» берган маълумотларга кўра, эквадорлик футболчи ҳисобида 51 та тўсиб қолиш мавжуд. Шу тариқа, Кайседо жорий мавсумда Премьер-лига доирасида 50 ва ундан кўп марта рақиб узатмасини тўсиб қолган ягона футболчи бўлди.

Шунингдек, «Челси»га ўтган вақтидан бери Кайседо жами 137 марта тўпни тўсиб қолган бўлиб, бу кўрсаткич бўйича у АПЛнинг исталган бошқа ярим ҳимоячисини ортда қолдирмоқда.

Ушбу рейтингда иккинчи ўринни «Эвертон» аъзоси Жеймс Гарнер (46 та тўсиб қолиш), учинчи ўринни эса «Борнмут» ҳимоячиси Маркос Сенеси (44 та) эгаллаб турибди.