Ҳозирда Италия терма жамоасида фаолият юритаётган афсонавий дарвозабон Джанлуиджи Буффон баёнот берди. Агар миллий жамоа 2026 йилги жаҳон чемпионатига чиқа олмаса, собиқ посбон жамоани тарк этади. Бу ҳақда Football-Italia хабар бермоқда.
Италия терма жамоаси агар ўтиш ўйинларидан муваффақиятли ўта олмаса, кетма-кет учинчи мундиални ўтказиб юбориши мумкин. Ярим финалда «скуадра адзурра»га Шимолий Ирландия рақиблик қилади. Агар италияликлар ушбу рақибни мағлуб этса, саралашнинг финалида Уэльс ёки Босния ва Герцеговина билан тўқнашади.
Қўшимча қилиш жоизки, айни дамда Италия терма жамоаси бош мураббийи лавозимини Дженнаро Гаттузо эгаллаб турибди.













