Мадриднинг «Атлетико» клуби спорт директори Матеу Алемани ҳужумчи Антуан Гризманннинг МЛСдаги «Орландо Сити» жамоасига ўтиши ҳақидаги миш-мишларига изоҳ берди.

«Гризманн бизнинг жамоада қолади», — деди Алемани. Унинг сўзларини журналист Фабрицио Романо X ижтимоий тармоғида келтирди.

Таъкидланишича, Америка клуби франциялик футболчини ёзда эркин агент сифатида сафига қўшиб олиш устида ҳали ҳам иш олиб бормоқда.

34 ёшли Гризманн мадридликлар тарихидаги энг яхши тўпурар ҳисобланади — у 210 та гол урган. Жорий мавсумда футболчи барча турнирлар доирасида 38 та ўйинда иштирок этиб, 12 та гол ва 2 та голли узатмани ўз ҳисобига ёздирди. Унинг клуб билан амалдаги шартномаси 2027 йил ёзигача мўлжалланган.