«Барселона» бош мураббийи Ханс-Дитер Флик ўз шаънига айтилаётган танқидларга муносабат билдирди.
«Одамлар доимо: «Юқори чизиқ, чизиқ!» деб гапиришади. Лекин бу унчалик тўғри эмас. Биз қанчалик юқорида ўйнашимиз ёки ҳимоя чизиғида қайси футболчилар бўлиши муҳим эмас. Энг муҳими — қандай прессинг қилаётганимиз. Агар биз яхши прессинг қилсак, юқори ҳимоя чизиғи иш беради. Акс ҳолда, рақиб бизга осонлик билан ҳужум қилиши мумкин», — дея Фликнинг сўзларидан иқтибос келтирмоқда Barça Universal.
Эслатиб ўтамиз, Испания чемпионатининг 27-турида «Барселона» сафарда «Атлетик»ни мағлуб этди. 68-дақиқада Ламин Ямаль томонидан киритилган ягона гол ўйин тақдирини ҳал қилди.
Шуни таъкидлаш жоизки, «Барселона» сўнгги тўртта ўйиннинг учинчисида ўз дарвозаси дахлсизлигини сақлаб қолди.
