Ҳимоячи Микки ван де Вен «Тоттенхэм»даги ҳолатидан норози ва ёзги трансфер ойнасида клубдан кетиш вариантларини кўриб чиқишга тайёр. «Шпорлар» нидерландиялик футболчи билан шартномани узайтиришдан умид қилишган эди, бироқ музокаралар боши берк кўчага кириб қолди. Бу ҳақда Football Insider нашрига таяниб Transfer News Live хабар бермоқда.
Айтиш жоизки, матбуот анчадан бери 24 ёшли ван де Венни йирик клублар, жумладан, «Реал», «Барселона» ва «Ливерпуль» билан боғлаб келмоқда.
Нуфузли Transfermarkt портали Микки ван де Венни 65 миллион еврога баҳоламоқда. Футболчининг «Тоттенхэм» билан амалдаги шартномаси 2029 йилнинг ўрталарига қадар мўлжалланган.













