«Барселона» жорий календарь йилида «қуруқ» ўйинлар сони бўйича кутилмаганда етакчилар қаторидан жой олди.
«Кўк-анорранглилар» Ханс-Дитер Флик қўл остида ҳимоядаги мустаҳкамлиги билан ажралиб турмаган бўлса-да, 2026 йил бошидан буён барча мусобақаларда саккизта ўйинда ўз дарвозаси дахлсизлигини сақлаб қолишга муваффақ бўлди. Opta маълумотларига кўра, бу Европанинг кучли бешлик чемпионатлари жамоалари орасида тўққиз марта «ноль»га ўйнаган Миланнинг «Интер» клубидан кейинги иккинчи кўрсаткичдир.
Шанба куни каталонияликлар Ла Лига баҳсида «Атлетик» Бильбао устидан ғалаба қозонишди (1:0). Учрашувдаги ягона гол 68-дақиқада Ламин Ямал томонидан киритилди.
