«Барселона» футболчиси Рафинья Диас Ла Лига доирасида «Атлетик» Бильбаога қарши ўйиндан (1:0) сўнг журналистлар билан суҳбатлашди.

Учрашувдаги ягона гол 62-дақиқада Ламин Ямал томонидан киритилди. «Кўк-анорранглилар» ҳамон турнир жадвалида пешқадамлик қилмоқда ва Мадриднинг «Реал» клубини тўрт очкога ортда қолдирмоқда.

«Энг муҳими — биз уч очкони қўлга киритдик. Баъзан чидамли бўлиш, сабр қилишни билиш керак. Менимча, бугун биз буни уддалай олдик. Баъзи ўйинларда қийналишга тўғри келади — бу табиий ҳол. Бундай майдонда ўйнаш осон бўлмади, лекин таркибимизда исталган лаҳзада ўйин тақдирини ҳал қила оладиган футболчилар кўп», — дея Рафиньянинг сўзларини келтирмоқда Barca Universal.

Сешанба куни «Барселона» Чемпионлар лигаси 1/8 финалининг илк баҳсида «Ньюкасл»га қарши майдонга тушади.