Мадриднинг «Атлетико» клуби бош мураббийи Диего Симеоне Антуан Гризманнинг келажаги борасидаги саволга жавоб берди.
Миш-мишлар 34 ёшли ҳужумчининг «Орландо Сити»га ўтиши мумкинлигини кўрсатмоқда, бунинг устига МЛСда трансфер ойнаси март ойида очиқлиги сабабли келишув яқин орада амалга ошиши ҳам мумкин эди. Бироқ, кўринишидан, франциялик футболчи мавсум якунига қадар «матрасчилар» сафини тарк этмайди.
«Тез орада Гризманн ўз келажаги борасида баёнот билан чиқади. Одамлар хурсанд бўлишади», — дея журналист Виктор Эскутиа Симеоненинг сўзларини келтирмоқда.
Антуан Гризманннинг «Атлетико» билан шартномаси 2027 йилнинг ўрталарига қадар мўлжалланган. Шанба куни ҳужумчи голли узатмани амалга ошириб, мадридликларга «Реал Сосьедад» устидан ғалаба қозонишда (3:2) ёрдам берди.
