«Реал» ярим ҳимоячиси Жуди Беллингем Чемпионлар лигаси 1/8 финали доирасидаги «Манчестер Сити»га қарши ўйингача жароҳатидан фориғ бўлиши мумкин. Бу ҳақда Diario AS нашри хабар бермоқда.
Аввалига хавбек майдонга фақат март ойининг охирида қайтиши тахмин қилинган эди. Бироқ унинг жароҳатдан тикланиш жараёни кутилганидан тезроқ кечмоқда.
«Реал» ва «Манчестер Сити» ўртасидаги биринчи учрашув 11 март куни бўлиб ўтади. Ўйин «Сантьяго Бернабеу» стадионида ўтказилади.













