Килиан Мбаппе тиззасидаги муаммо туфайли «Реал» лазаретида қолмоқда. Франциялик ҳужумчининг қачон сафга қайтиши ҳозирча номаълум.
AS нашрига маълум бўлишича, Мбаппе ҳар қандай ҳолатда ҳам Франция терма жамоаси билан бирга АҚШдаги йиғинга йўл олади. Футболчи Мадридда қолмайди. Килианнинг миллий жамоа қароргоҳида бўлиши ҳомийлар олдидаги тижорий мажбуриятлар билан боғлиқ.
Эслатиб ўтамиз, Франция терма жамоаси март ойида Жаҳон чемпионатига тайёргарлик доирасида Бразилия ва Колумбияга қарши ўртоқлик учрашувларини ўтказади.
Килиан Мбаппе тиззасидаги жароҳат оғирлашгани сабабли «Реал»нинг сўнгги бир нечта ўйинини ўтказиб юборди.
