«Реал»нинг ёзги трансфер ойнасидаги асосий вазифаларидан бири — майдон марказини кучайтириш. AS нашрининг хабарига кўра, Мадрид клуби учта марказий ярим ҳимоячидан иборат шорт-лист тузиб чиққан. Ушбу рўйхатда Родри йўқ.

Шорт-лист қуйидагича кўриниш олган: Адам Уортон («Кристал Пэлас»), Кес Смит («АЗ Алкмаар»), Витинья («ПСЖ»).

Аввалроқ матбуотда «Реал»нинг ушбу футболчилар билан боғлиқ қизиқишлари ҳақида хабарлар берилган эди. Шу билан бирга, «ПСЖ» билан бўлган мураккаб муносабатлар туфайли мадридликлар учун Витиньяни сотиб олиш қийин кечиши айтилмоқда.

26 ёшли Витинья 110 миллион еврога, 22 ёшли Уортон 60 миллион еврога, 20 ёшли Смит эса 20 миллион еврога баҳоланмоқда.