«Ньюкасл» ярим ҳимоячиси Сандро Тонали ёзги трансфер ойнасида жамоани тарк этиши мумкин. Бу ҳақда Tuttosport нашри хабар бермоқда.
Манбанинг маълумотларига кўра, 25 ёшли италиялик футболчининг хизматларига Лондоннинг «Арсенал» клуби қизиқиш билдирмоқда. Шунингдек, «Манчестер Сити» ва «Манчестер Юнайтед» ҳам ўйинчининг ҳолатини диққат билан кузатиб бормоқда.
Қайд этилишича, агар «қарғалар»га Тонали учун тахминан 115 миллион евро миқдорида таклиф тушса, клуб уни сотишга тайёр.
Жорий мавсумда Тонали барча мусобақаларда 45 та ўйинда иштирок этиб, ўз ҳисобига учта гол ва еттита голли узатмани ёздириб қўйди.
Хавбекнинг «Ньюкасл» билан амалдаги шартномаси 2028 йилнинг ўрталарига қадар мўлжалланган.
