«Челси» ярим ҳимоячиси Энцо Фернандес Чемпионлар лигаси 1/8 финали доирасидаги «ПСЖ»га қарши бўлажак ўйин борасидаги кутилмалари билан ўртоқлашди. У ушбу турнирда зафар қучишни хоҳлаётганини таъкидлади.
«Менинг орзум — Чемпионлар лигасида ғолиб чиқиш. Биз бунинг клуб учун қанчалик муҳим эканлигини биламиз. Қандай жамоага қарши майдонга тушишимиздан хабардормиз, бироқ ўз кучимизга ишонамиз», — деди Фернандес.
«ПСЖ» ва «Челси» ўртасидаги дастлабки учрашув 11 март куни бўлиб ўтади. Баҳс Париждаги «Парк де Пренс» стадионида ўтказилади.
