«Барселона» ҳужумчиси Ферран Торрес сўнгги ўйинларда қийинчиликларга дуч келмоқда. 26 ёшли футболчи кетма-кет саккизта учрашувдан бери рақиблар дарвозасини ишғол эта олмаяпти. Ла Лига доирасида «Атлетик» Бильбаога қарши кечган яқиндаги баҳсдан сўнг, «кўк-анорранглилар» бош мураббийи Ханс-Дитер Флик Торреснинг «қуруқ» серия фонида ўзига бўлган ишончни йўқотганини тан олди.
Шундай бўлса-да, Diario Sport нашрининг хабар беришича, «Барселона» раҳбарияти ҳамон ҳужумчига тўлиқ ишонишда давом этмоқда. Клубдагилар ўйинчи аввалги даражасига қайтишига ва яна сермаҳсуллиги билан мухлисларни хурсанд қилишига шубҳа қилишмаяпти.
Ферран Торрес жорий мавсумда каталонияликлар сафида барча мусобақаларда жами 37 та ўйинда майдонга тушиб, 16 та голни ўз ҳисобига ёздириб қўйган.
