«Барселона» бош мураббийи Ханс-Дитер Флик Чемпионлар лигаси 1/8 финали доирасидаги «Ньюкасл»га қарши бўлажак ўйинда Рональд Араухони асосий таркибда туширишга тайёр.
Тўқнашувнинг дастлабки баҳси 10 март куни Англияда бўлиб ўтади. Mundo Deportivo нашрининг маълумотларига кўра, Араухо худди жамоаларнинг сентябрь ойидаги учрашувида бўлгани каби, асосий таркибда кўриниш бериши мумкин. «Кўк-анорранглилар» устозининг фикрича, уругвайлик ҳимоячининг жисмоний маълумотлари «қарғалар»га қарши ўйинда, айниқса, рақибнинг «улкан» ҳужумчиси Ник Вольтемаде билан бўладиган дуэлларда «Барса»га жуда қўл келади.
Рональд Араухо таътилдан қайтганидан бери «Барселона»нинг асосий таркибида фақат бир марта майдонга тушган, бу воқеа Испания кубоги доирасида Сегунда вакили — «Альбасете»га қарши ўйинда содир бўлган эди.
