«Барселона» президенти лавозимига номзод Жоан Лапорта жамоа ҳужумчиси Лионель Мессига ҳайкал ўрнатиш режаси борлигини тасдиқлади ҳамда «кўк-анорранглилар»нинг собиқ бош мураббийи Хавини танқид қилди.

«Гап шундаки, биз Мессига ҳайкал ўрнатмоқчимиз ва стадион тўлиқ қуриб битказилганидан кейин унинг шарафига хайрлашув учрашувини ҳам ўтказишни режалаштиряпмиз.

Хави интервьюсида нега мен уни ишдан бўшатганим сабабларини тушунтириб беряпти. У ўзига ортиқча ишониб кетди ва касбий ҳамда шахсий ҳаётини бирга олиб бора олмади. У “Барса” “Реал” билан рақобат қила олмаслигини айтди, ўйинчиларни алмаштиришни сўради, мен эса Хавига бундай тарзда ишлашни давом эттира олмаслигини айтдим», — деди Лапорта Mundo Deportivo нашрига берган интервьюсида.

Аввалроқ Хави «Барселона» раҳбариятини испаниялик мутахассис клубда ишлаган даврда жамоа таркибини кучайтиришни истамагани учун танқид қилгани, шунингдек ишдан бўшатилиши тафсилотлари ҳақида гапиргани хабар қилинган эди.