Мюнхеннинг «Бавария» клуби ҳужумчиси Майкл Олисе жамоа бош мураббийи Венсан Компани ҳақида ўз фикрларини билдирди.
«Компани ўзининг режалари ва ғоялари билан бизнинг янада кучлироқ бўлишимизга ёрдам бермоқда. Муайян вазиятларда нима қилишимиз кераклигини ҳамма яхши билади. Барчамиз бир йўналишда меҳнат қиляпмиз. Ҳар бир футболчи доимо бор кучини ишга солмоқда», — дея Олисенинг сўзларидан иқтибос келтиради журналист Фабрицио Романо.
Жорий мавсумда 24 ёшли Олисе барча мусобақаларни инобатга олган ҳолда 36 та учрашувда майдонга тушди. У рақиблар дарвозасини 13 бор ишғол қилиб, 25 та голли узатмага муаллифлик қилди.
