Нуфузли Transfermarkt портали таҳлилчилари Англия чемпионатининг нархи энг кўп пасайган футболчилари рейтингини эълон қилишди.

Ушбу рўйхатда биринчи ўринни «Ливерпуль»нинг швециялик марказий ҳужумчиси Александр Исак эгаллади. Унинг бозор қиймати 20 миллион еврога камайди. Айни дамда скандинавиялик ҳужумчи 100 миллион еврога баҳоланмоқда.

Рўйхатнинг кейинги поғоналаридан нархи ўн миллионга пасайган бир гуруҳ футболчилар жой олди. Ушбу рўйхатга қуйидагилар киритилди: Букайо Сака (120 млн), Коул Палмер (110 млн), Мартин Эдегор (65 млн), Родри Эрнандес (65 млн), Кристиан Ромеро (50 млн), Хави Симонс (50 млн), Энтони Эланга (40 млн) ва Деян Кулушевски (35 млн).