Ҳуқуқлари «Манчестер Сити»га тегишли бўлган нидерландиялик ҳимоячи Натан Аке фаолиятини Италия А Сериясида давом эттириши мумкин.

Tribal Football журналистлари берган маълумотга кўра, «Милан» 31 ёшли футболчининг ёзги трансферига қизиқиш билдирмоқда. «Россонерилар» ўтган йили ҳам Акега қизиқиш билдирган эди, бироқ келишув амалга ошмаганди. Италияликлар музокараларни 2025/2026 йилги мавсум якунида қайта тиклаш ниятидалар.

Натан 2020 йилнинг августидан бери «шаҳарликлар» шарафини ҳимоя қилиб келмоқда. Нидерландиялик футболчининг «Манчестер Сити» билан амалдаги шартномаси 2027 йилнинг июнь ойи охирида якунига етади. Унинг бозор қиймати Transfermarkt таҳлилларига кўра 18 миллион еврога баҳоланмоқда.