Алиссон ва Федерико Кьеза «Ливерпуль»нинг эртага «Галатасарой»га қарши бўлиб ўтадиган ўйинида иштирок этмайди. Дарвозабон ва ярим ҳимоячи Чемпионлар лигаси доирасидаги баҳс учун жамоа билан бирга Истанбулга йўл олмади.

«Феде кеча оқшом ўзини ёмон ҳис қилди. Али ҳам машғулотларда қатнашди, бироқ якунга яқин нимадир нотўғри эканини сезди. У тиббий кўрикдан ўтказилди ва биз биргаликда унинг сафарга тайёр эмаслиги ҳақида қарор қабул қилдик.

Унинг якшанба куни майдонга тушиш эҳтимоли, шубҳасиз, бор. Бу жиддий муаммо эмас, лекин эртанги ўйин у учун жуда эрталик қилади», — деб маълум қилди «қизиллар» бош мураббийи Арне Слот ўйин олдидан ўтказилган матбуот анжуманида.

Якшанба куни «Ливерпуль» АПЛнинг 30-тури доирасида «Тоттенхэм»ни қабул қилади.