Каталониянинг «Барселона» клуби Дортмунднинг «Боруссия» жамоаси ярим ҳимоячиси Юлиан Брандт билан шартнома имзолашга қизиқиш билдирмоқда. Футболчи жорий мавсум якунида «асаларилар» лагерини эркин агент сифатида тарк этади.
Sky Sport Germany нашрининг маълумотларига кўра, «кўк-анорранглилар» келаётган ёзда 29 ёшли футболчини ўз сафига қўшиб олишга уриниб кўришлари мумкин. Ярим ҳимоячи учун кечадиган курашда Лондоннинг «Арсенал» клуби «Барселона»га рақобат туғдириши кутилмоқда.
Брандт 2019 йилнинг ёзидан бери Дортмунд жамоаси шарафини ҳимоя қилиб келмоқда. Тажрибали хавбекнинг трансфер қиймати 20 миллион еврога баҳоланган.
Ушбу мавсумда Юлиан 32 та учрашувда майдонга тушиб, 10 та гол урди ва 3 та голли узатмани амалга оширди.
