Kataloniyaning «Barselona» klubi Dortmundning «Borussiya» jamoasi yarim himoyachisi Yulian Brandt bilan shartnoma imzolashga qiziqish bildirmoqda. Futbolchi joriy mavsum yakunida «asalarilar» lagerini erkin agent sifatida tark etadi.

Sky Sport Germany nashrining ma’lumotlariga ko‘ra, «ko‘k-anorranglilar» kelayotgan yozda 29 yoshli futbolchini o‘z safiga qo‘shib olishga urinib ko‘rishlari mumkin. Yarim himoyachi uchun kechadigan kurashda Londonning «Arsenal» klubi «Barselona»ga raqobat tug‘dirishi kutilmoqda.

Brandt 2019 yilning yozidan beri Dortmund jamoasi sharafini himoya qilib kelmoqda. Tajribali xavbekning transfer qiymati 20 million yevroga baholangan.

Ushbu mavsumda Yulian 32 ta uchrashuvda maydonga tushib, 10 ta gol urdi va 3 ta golli uzatmani amalga oshirdi.