Нидерландия терма жамоаси бош мураббийи Рональд Куман «Барселона» ярим ҳимоячиси Френки де Йонгнинг жароҳати ҳақида гапириб ўтди.
28 ёшли футболчи тизза ости пайидаги шикастланиш сабабли каталонияликларнинг сўнгги учта ўйинини ўтказиб юборди. Нидерландиялик футболчи яқин орада сафга қайтмайди, бироқ Жаҳон чемпионатигача ўз формасини тиклашга улгуриши кутилмоқда.
«Френки тахминан олти ҳафтага сафдан чиқди. Баъзида ҳатто жароҳатлар яхшиликка бўлиши мумкин деб ўйлаб қоламан, чунки бу футболчиларга дам олиш имконини беради. Шунга қарамай, у қайтганидан кейин аввалги ҳолатига чиқиб олишига умид қиламиз», — дея Куманнинг сўзларини келтиради The Touchline нашри.
ЖЧ-2026 гуруҳ босқичида Нидерландия терма жамоаси Япония ва Тунисга қарши баҳс олиб бориши керак, учинчи рақиб эса саралаш ўйинлари натижаларига кўра аниқланади.
