Niderlandiya terma jamoasi bosh murabbiyi Ronald Kuman «Barselona» yarim himoyachisi Frenki de Yongning jarohati haqida gapirib o‘tdi.
28 yoshli futbolchi tizza osti payidagi shikastlanish sababli kataloniyaliklarning so‘nggi uchta o‘yinini o‘tkazib yubordi. Niderlandiyalik futbolchi yaqin orada safga qaytmaydi, biroq Jahon chempionatigacha o‘z formasini tiklashga ulgurishi kutilmoqda.
«Frenki taxminan olti haftaga safdan chiqdi. Ba’zida hatto jarohatlar yaxshilikka bo‘lishi mumkin deb o‘ylab qolaman, chunki bu futbolchilarga dam olish imkonini beradi. Shunga qaramay, u qaytganidan keyin avvalgi holatiga chiqib olishiga umid qilamiz», — deya Kumanning so‘zlarini keltiradi The Touchline nashri.
JCH-2026 guruh bosqichida Niderlandiya terma jamoasi Yaponiya va Tunisga qarshi bahs olib borishi kerak, uchinchi raqib esa saralash o‘yinlari natijalariga ko‘ra aniqlanadi.
