«Барселона» ярим ҳимоячиси Фермин Лопес Чемпионлар лигасининг ўтган мавсум ярим финалида Миланнинг «Интер» жамоасидан учралган мағлубиятни ёдга олди.

«Чемпионлар лигаси ярим финалида «Интер»дан учралган мағлубият жуда оғир бўлганди, аммо биз бундан кўп нарсани ўргандик. Финалга чиқиш ва ғолиб бўлиш учун нималарни яхшилашимиз кераклигини тушуниб етдик», — дея Лопеснинг сўзларини келтиради Barça Universal.

Чемпионлар лигасининг жорий мавсумида «Барселона» 1/8 финал босқичига қадар етиб келди. Бугун, 10 март куни Ханс-Дитер Флик шогирдлари ушбу босқичдаги илк ўйинни «Ньюкасл»га қарши ўтказишади. Баҳс Англияда бўлиб ўтади ва Тошкент вақти билан тунги соат 01:00 да бошланади.