"Ливерпуль" марказий ярим ҳимоячиси Алексис Макаллистер жамоа билан янги шартнома бўйича музокараларга шошилмаяпти.
Хабарларга кўра, "Реал"дан бўлаётган қизиқишларга қарамай 27 ёшли аргентиналик футболчи "Энфилд"да бахтли. У келаси ёзда жамоасини ўзгартириш ниятида эмас.
"Қизиллар" билан 2028 йил ёзигача шартномаси бор бўлган Мак Аллистернинг маоши ҳафтасига 150 000 фунт стерлингни ташкил этади. "Қироллик клуби" бундан кўпроқ тўлашга тайёр.













