«Тоттенхэм» ҳимоячиси Дестини Удоджи Италияга қайтиши мумкин.
Calciomercato нашри берган маълумотларга кўра, футболчининг хизматларига «Ювентус» қизиқиш билдирмоқда. Турин клуби футболчининг нархини пасайтириш мақсадида «шпорлар»нинг жорий мавсум якунида Англия Премьер-лигасини тарк этишидан умид қилмоқда.
Дестини Удоджи 2022 йилда «Удинезе»дан «Тоттенхэм»га 18 миллион евро эвазига ўтган эди. Ҳозирда ҳимоячи тизза ости пайидаги жароҳатдан сўнг тикланиш жараёнини ўтамоқда. Унинг Лондон клуби билан амалдаги шартномаси 2030 йилнинг 30 июнига қадар мўлжалланган. Жорий мавсумда италиялик футболчи «шпорлар» сафида барча мусобақаларда 20 та ўйин ўтказиб, битта голли узатмани амалга оширди. Transfermarkt портали Удоджининг трансфер қийматини 35 миллион еврога баҳоламоқда.
