«Tottenxem» himoyachisi Destini Udodji Italiyaga qaytishi mumkin.

Calciomercato nashri bergan ma’lumotlarga ko‘ra, futbolchining xizmatlariga «Yuventus» qiziqish bildirmoqda. Turin klubi futbolchining narxini pasaytirish maqsadida «shporlar»ning joriy mavsum yakunida Angliya Premyer-ligasini tark etishidan umid qilmoqda.

Destini Udodji 2022 yilda «Udineze»dan «Tottenxem»ga 18 million yevro evaziga o‘tgan edi. Hozirda himoyachi tizza osti payidagi jarohatdan so‘ng tiklanish jarayonini o‘tamoqda. Uning London klubi bilan amaldagi shartnomasi 2030 yilning 30 iyuniga qadar mo‘ljallangan. Joriy mavsumda italiyalik futbolchi «shporlar» safida barcha musobaqalarda 20 ta o‘yin o‘tkazib, bitta golli uzatmani amalga oshirdi. Transfermarkt portali Udodjining transfer qiymatini 35 million yevroga baholamoqda.