«Интер» ҳужумчиси Лаутаро Мартинес фаолиятини Англия Премьер-лигасида давом эттириши мумкин.
La Nacion нашри берган маълумотларга кўра, аргентиналик футболчининг трансферига «Челси» қизиқиш билдирмоқда. Лондон клуби шу ёзда ҳужумчининг йирик трансферини амалга оширишга тайёргарлик кўрмоқда ва Мартинес учун 100 миллион евро тўлашга тайёр. 28 ёшли футболчи «кўклар»нинг ҳужум чизиғини кучайтириш учун асосий номзод бўлиб турибди.
Лаутаро Мартинес 2018 йилда «Расинг»дан «Интер»га 25 миллион евро эвазига ўтган эди. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда аргентиналик футболчи миланликлар сафида барча мусобақаларда 35 та ўйин ўтказиб, 18 та гол урди ва 4 та голли узатмани амалга оширди. Transfermarkt портали ҳужумчининг трансфер қийматини 85 миллион еврога баҳоламоқда.
