«Лион» 29 ёшли дарвозабон Реми Дескамп билан амалдаги шартномани узайтирди. Франциялик посбон билан имзоланган янги келишув 2029 йилнинг ёзига қадар мўлжалланган.
Дескамп «Лион» таркибига 2024 йилнинг ёзида келиб қўшилган эди. «Лилль» клуби тарбияланувчиси ҳисобланган футболчи фаолияти давомида «Тур», «Шарлеруа» ва «Нант» каби жамоалар шарафини ҳимоя қилган.
Жорий мавсумга тўхталадиган бўлсак, дарвозабон «Лион» сафида барча мусобақаларда жами 12 та ўйинда майдонга тушди. Ушбу учрашувларда у ўз дарвозасидан атиги 9 та тўп ўтказиб юборди, холос.
Айни дамда «Лион» УEФА Европа Лигасида муваффақиятли иштирок этмоқда (жамоа лига босқичини 1-ўринда якунлаб, тўғридан-тўғри 1/8 финалга йўл олди). Шунингдек, клуб Франция 1-лигасида ҳам юқори ўринлар учун курашяпти. Ҳозирда «тўқувчилар» миллий чемпионатда 46 очко билан турнир жадвалининг тўртинчи поғонасини эгаллаб туришибди.
