"Милан"нинг собиқ ҳужумчиси Оливер Бирхофф клуб ҳали ҳам Скудетто учун "Интер"га қарши кураша олишига ишонади.
"Милан" ҳозирда Италия чемпионати жадвалида "Интер"дан етти очко ортда қолмоқда.
"Мен бунга ишонаман. Дербида ўзига ишонган ва биринчи бўлимда ажойиб ўйнаган ғайратли жамоани кўрдим. Улар иккинчи бўлимда бироз пасайишди, аммо ишончли ўйин кўрсатишди. Бу "Милан"нинг ҳатто кучли рақибларга қарши ҳам уюшқоқ ва натижа учун чидашга тайёр эканлигидан далолат беради", - деди Бирхофф.
"Милан" охирги марта Италия чемпионлигини 2022 йилда қўлга киритган.
