"Milan"ning sobiq hujumchisi Oliver Birxoff klub hali ham Skudetto uchun "Inter"ga qarshi kurasha olishiga ishonadi.

"Milan" hozirda Italiya chempionati jadvalida "Inter"dan yetti ochko ortda qolmoqda.

"Men bunga ishonaman. Derbida o‘ziga ishongan va birinchi bo‘limda ajoyib o‘ynagan g‘ayratli jamoani ko‘rdim. Ular ikkinchi bo‘limda biroz pasayishdi, ammo ishonchli o‘yin ko‘rsatishdi. Bu "Milan"ning hatto kuchli raqiblarga qarshi ham uyushqoq va natija uchun chidashga tayyor ekanligidan dalolat beradi", - dedi Birxoff.

"Milan" oxirgi marta Italiya chempionligini 2022 yilda qo‘lga kiritgan.