«Монако»нинг янги ҳужумчиси Радамель Фалькао жамоадан кетишни хоҳламоқда.
Marca нашри тарқатган хабарга кўра, колумбиялик голеадор жамоа раҳбариятини ушбу лойиҳани ривожлантириш учун таркибга бошқа кучли футболчиларни жалб қилиш ҳақида ўйламаётганликда айблаб, клуб келажагига ишончсизлик билдирган ва ёзги трансфер ойнаси ёпилгунга қадар бошқа жойга кетишни режалаштирмоқда.
Шунингдек, Франция 1 дивизиони футболчиларидан олинадиган даромад солиғининг ҳаддан ташқари кўп миқдорда экани ҳам уни ташвишга солаётган бўлиши мумкин. Чунки, мавжуд қонунчиликка кўра, у ўз йиллик иш ҳақи (14 млн евро) нинг нақ ярмини давлат хазинасига ўтказиши талаб этилади.
Агарда «Реал» Гарет Бейлни Мадридга олиб келолмаса, «Монако»га юзланиши тахмин қилинмоқда. Яна бир эҳтимол билан эса, Рунидан умидларини уза бошлаган «Челси» монегаскларга таклиф жўнатиши мумкин.