«Ньюкасл» жамоаси Чемпионлар лигаси 1/8 финали доирасидаги ўйинда «Барселона» дарвозасига рақибига нисбатан деярли икки баравар кўп зарба йўллади.

Жамоаларнинг Англиядаги илк учрашуви 1:1 ҳисобидаги дуранг билан якунланди. Каталонияликлар вингери Ламин Ямал 96-дақиқада пенальтидан ҳисобни тенглаштирди.

Ямалнинг нуқтадан йўллаган зарбасига қадар «Барселона» футболчилари бутун ўйин давомида дарвоза соҳасига атиги бир марта аниқ зарба беришган эди. Умумий ҳисобда каталонияликлар 9 та зарба ижро этишди.

«Ньюкасл» футболчилари эса «Барселона» дарвозаси томон 16 бор зарба бериб, уларнинг тўрттасини аниқ йўналтиришди.

«Барселона» ўйин вақтининг 54 фоизида тўпга эгалик қилган бўлса-да, бурчак зарбалари борасида рақибдан ортда қолди (4 га қарши 9 та). Шунингдек, мезбонлар ҳужумлар сони бўйича ҳам меҳмонлардан устун келишди (36 га қарши 29 та).