«Манчестер Сити» ярим ҳимоячиси Фил Фоден «Реал» ҳужумчиси Родригога мурожаат қилди.
«Қаймоқранглилар»нинг бразилиялик футболчиси тиззасидаги хочсимон боғламлари узилгани сабабли мавсум якунига қадар сафдан чиққан эди. Яқинда форвард муваффақиятли операция қилингани маълум бўлди.
«Сенга тезроқ соғайиб кетишингни тилайман, биродар», – дея Фоден «Реал» юлдузининг ижтимоий тармоқлардаги постига изоҳ қолдирди.
Бугун жамоалар Чемпионлар лигаси 1/8 финалининг дастлабки баҳсида «Сантьяго Бернабеу» стадионида тўқнаш келадилар. Айнан Родриго жамоаларнинг декабрь ойида умумий босқич доирасида бўлиб ўтган учрашувида «Реал»нинг ягона голига муаллифлик қилган эди – ўшанда «Манчестер Сити» 2:1 ҳисобида ғалаба қозонган.
