"Милан" марказий ҳужумчиси Сантьяго Хименес сафга қайтишга яқин турибди. MilanNews хабарига кўра, мексикалик футболчи узоқ танаффусдан сўнг сешанба куни илк машғулотини ўтказди.
Эслатиб ўтамиз, Хименес октябрь ойи охирида тўпиғидан жароҳат олган ва шундан сўнг операция қилинган эди.
Бир неча кундан кейин "россонерилар" тиббий штаби форварднинг А Серия 29-туридан ўрин олган "Лацио"га қарши бўлажак ўйинга тайёрлиги бўйича якуний қарорни қабул қилади.
Жорий мавсумда 24 ёшли футболчи 11 та ўйинда майдонга тушиб, ўз ҳисобига битта гол ва иккита ассист ёздириб қўйди. Унинг Италия клуби билан шартномаси 2029 йилнинг июнь ойида якунига этади.
Айни пайтда "Милан" А Серия турнир жадвалида иккинчи ўринни эгаллаб турибди.
