"Milan" markaziy hujumchisi Santyago Ximenes safga qaytishga yaqin turibdi. MilanNews xabariga ko‘ra, meksikalik futbolchi uzoq tanaffusdan so‘ng seshanba kuni ilk mashg‘ulotini o‘tkazdi.
Eslatib o‘tamiz, Ximenes oktyabr oyi oxirida to‘pig‘idan jarohat olgan va shundan so‘ng operasiya qilingan edi.
Bir necha kundan keyin "rossonerilar" tibbiy shtabi forvardning A Seriya 29-turidan o‘rin olgan "Lasio"ga qarshi bo‘lajak o‘yinga tayyorligi bo‘yicha yakuniy qarorni qabul qiladi.
Joriy mavsumda 24 yoshli futbolchi 11 ta o‘yinda maydonga tushib, o‘z hisobiga bitta gol va ikkita assist yozdirib qo‘ydi. Uning Italiya klubi bilan shartnomasi 2029 yilning iyun oyida yakuniga etadi.
Ayni paytda "Milan" A Seriya turnir jadvalida ikkinchi o‘rinni egallab turibdi.
