"Тоттенхэм" чуқур инқироз кўчасига кириб қолди – АПЛда жамоа хавфли ҳудудга (тушиб кетиш зонасига) жуда яқин турибди (бор-йўғи 1 очко фарқ), Чемпионлар Лигаси 1/8 финалининг дастлабки ўйинида эса "Атлетико"дан 2:5 ҳисобида мағлубият қабул қилинди. "Шпорлар" ҳимоячиси Микки ван де Вен юзага келган вазият ҳақида гапирди.
"Мен «биз бирлашишимиз керак» деган одатий гапларни айтишим мумкин эди. Аммо, очиғини айтганда, ҳозир биз бошимиздан кечираётган воқеалар – шунчаки даҳшат. Руҳий жиҳатдан жуда тушкун ҳолатдаман. Бундан чарчадим. Энди телефондан фойдаланмаяпман – фақат оилам билан кўришяпман, холос", — дея ван де Веннинг сўзларини келтиради The Touchline.
"Тоттенхэм" навбатдаги ўйинини 15 март куни Премьер-лига доирасида сафарда "Ливерпуль"га қарши ўтказади.
