Лондоннинг "Арсенал" клуби ҳужумчиси, ўз вақтида "Байер" шарафини ҳимоя қилган Кай Хаверц Чемпионлар Лигаси 1/8 финали доирасида собиқ жамоасига қарши кечадиган ўйин олдидан ўз кутилмалари билан ўртоқлашди.
Учрашув бугун, 11 март куни бўлиб ўтади. Баҳс Тошкент вақти билан соат 22:45 да бошланади.
"Яна бу ерда бўлиш жуда ёқимли. Мен бу ерда 10 йил ўйнаганман. Аммо ҳозир "Арсенал" билан ғалаба қозониш учун келганман. Оилам трибуналарда мени қўллаб-қувватлаб туради", — дея ҳужумчининг сўзларини келтиради УЕФА расмий сайти.
Эслатиб ўтамиз, Чемпионлар Лигасининг умумий босқичида "канонирлар" биринчи ўринни эгаллашган эди. Леверкузен клуби эса 16-поғонада финиш қилган. Ўтиш ўйинларида "Байер" "Олимпиакос" тўсиғидан муваффақиятли ўтганди.
