"Манчестер Сити" дарвозабони Жанлуиджи Доннарумма Чемпионлар Лигаси доирасидаги "Реал"га қарши тўқнашувдан кутилмалари билан ўртоқлашди. 1/8 финалнинг илк ўйини бугун "Сантьяго Бернабеу" стадионида бўлиб ўтади ва Тошкент вақти билан соат 01:00 да бошланади.
– "Реал" фаворитми?
– Шубҳасиз, улар ушбу Чемпионлар Лигаси фаворитлари қаторида. Тарихнинг ўзи ҳаммасини айтиб турибди. Улар бундай ўйинларга ўрганишган, аммо улар биз каби ҳайратлантиришга тайёр жамоа билан тўқнаш келишади. Биз ғалабага очмиз ва охиригача курашамиз. Биз у ердаги муҳитни биламиз ва бундай вазиятларни тўғри бошқариш муҳим. Олдинда бизни иккита ўйин кутмоқда.
– "Манчестер Сити"ни Чемпионлар Лигасининг потенциал ғолиби деб ҳисоблайсизми?
– Титул учун курашни давом эттира оладиган бир нечта жамоалар бор. Улар кучли. Ўтган мавсумда 1/8 финал олдидан ҳеч ким "ПСЖ"ни яққол фаворит деб ҳисобламаган эди, ҳаммаси вазиятга боғлиқ. Ҳозир биз ё олдинга юрадиган, ёки мағлуб бўладиган паллага яқинлашмоқдамиз — камроқ таваккал қилиш ва камроқ хатога йўл қўйишга тўғри келади, чунки Чемпионлар Лигасида ҳар бир детал катта аҳамиятга эга, — деди Доннарумма.
