"ПСЖ" ва Грузия терма жамоаси ярим ҳимоячиси Хвича Кварацхелия "Реал"нинг собиқ хавбеки Гути билан боғлиқ қизиқарли воқеани сўзлаб берди.
"Болалигимда кумирим Гути эди, лекин унинг футболкасини сотиб олишга пулим йўқ эди. Шунинг учун оддий оқ футболкани олиб, маркер билан орқасига "14 Гути" деб ёзиб олгандим.
Унинг ўйинларини томоша қилганимда, унинг майдондаги фикрлаши, узатмалари ва ўйин интеллекти менга жуда ёқарди. У чиндан ҳам ҳайратланарли футболчи эди.
У билан қачондир кўришганманми? Йўқ, лекин биз футболка алмашганмиз. Неаполда берган интервьюларимдан бирида уни тилга олгандим. Шундан сўнг у мен билан боғланди ва ўз футболкасини совға сифатида юборди. Бундан жуда хурсанд бўлганман. Ўша футболка ҳозир Грузиядаги уйимда сақланади", — деди Кварацхелия.
