"Манчестер Сити" ярим ҳимоячиси Бернарду Силва фаолиятини Италияда давом эттириши мумкин.
La Gazzetta dello Sport нашрининг маълумотларига кўра, португалиялик футболчини ўз сафига қўшиб олишга "Ювентус" қизиқиш билдирмоқда. Футболчи ёзда "шаҳарликлар" билан шартномаси якунланганидан сўнг, Турин клубига эркин агент сифатида ўтиш бўйича музокараларни бошлаб юборган. Бироқ "Ювентус" учун Силвани қўлга киритиш осон бўлмайди, чунки унинг трансферига "Интер" ва "Галатасарой" клублари ҳам даъвогарлик қилмоқда.
Бернарду Силва 2017 йилда "Монако"дан "Манчестер Сити"га 50 миллион евро эвазига ўтган эди. Жорий мавсумда 31 ёшли футболчи "шаҳарликлар" сафида барча турнирларда 38 та ўйинда майдонга тушиб, 2 та гол урди ва 5 та голли узатмани амалга оширди. Transfermarkt портали португалиялик футболчининг қийматини 27 миллион еврога баҳоламоқда.
