"Бавария" шу ёзда "Фейеноорд"нинг 19 ёшли нидерландиялик ҳимоячиси Живайро Рид билан шартнома имзолашга умид қилмоқда. Бу ҳақда Transfer News Live Телеграм-канали хабар бермоқда.

Қайд этилишича, мюнхенликлардан ташқари, футболчига "Манчестер Сити" ҳам даъвогарлик қилмоқда. Бироқ немислар ўйинчига анча манфаатлироқ шартлар таклиф қилишни режалаштиришган. Инсайдерларнинг таъкидлашича, келаётган ёзда қанот ҳимоячилари бозорида жуда кучли рақобат кутилмоқда.

Живайро Рид 2024 йилдан бери "Фейеноорд" сафида тўп суриб келмоқда. Ушбу мавсумда ҳимоячи клуб учун 16 та ўйинда майдонга тушиб, 1 та гол урди ва 3 та голли узатмани амалга оширди.