"Ювентус"нинг собиқ ҳужумчиси Давид Трезеге Турин жамоасида қайси футболчини кўришни исташини маълум қилди.
"Мен Роберт Левандовскини ҳатто 37 ёшида ҳам "Ювентус"га сотиб олган бўлардим. У Эрлинг Холанд билан биргаликда дунёдаги охирги ҳақиқий "тўққизинчи рақам" (марказий ҳужумчи) ҳисобланади. Балки Левандовскининг жисмоний ҳолати аввалгидек эмасдир, лекин у кучли, жуда ақлли ва голлар уради. Мен уни шахсан ўзим Туринга олиб борган бўлардим", — дея Трезегенинг сўзларидан иқтибос келтиради The Touchline.
Роберт Левандовскининг "Барселона" билан шартномаси жорий мавсум якунида ниҳоясига етади. Агар меҳнат шартномаси узайтирилмаса, польшалик тўпурар ёзда бошқа жамоага эркин агент сифатида ўтиши мумкин.
