"Yuventus"ning sobiq hujumchisi David Trezege Turin jamoasida qaysi futbolchini ko‘rishni istashini ma’lum qildi.

"Men Robert Levandovskini hatto 37 yoshida ham "Yuventus"ga sotib olgan bo‘lardim. U Erling Xoland bilan birgalikda dunyodagi oxirgi haqiqiy "to‘qqizinchi raqam" (markaziy hujumchi) hisoblanadi. Balki Levandovskining jismoniy holati avvalgidek emasdir, lekin u kuchli, juda aqlli va gollar uradi. Men uni shaxsan o‘zim Turinga olib borgan bo‘lardim", — deya Trezegening so‘zlaridan iqtibos keltiradi The Touchline.

Robert Levandovskining "Barselona" bilan shartnomasi joriy mavsum yakunida nihoyasiga yetadi. Agar mehnat shartnomasi uzaytirilmasa, polshalik to‘purar yozda boshqa jamoaga erkin agent sifatida o‘tishi mumkin.