Мадриднинг «Реал» клуби ҳимоячиси Дин Хёйсен Англия Премьер-лигасига қайтиши мумкин.
Журналист Экрем Конурнинг хабар беришича, «Ливерпуль» испаниялик ҳимоячининг хизматларига қизиқиш билдирмоқда. Бироқ таъкидланишича, «қаймоқранглилар» жамоага фақат ўтган ёзда келиб қўшилган 20 ёшли футболчини қўйиб юбориш истагида эмаслар.
Хёйсен «Реал» таркибида барча мусобақаларда жами 29 та ўйин ўтказиб, ўз ҳисобига битта гол ва иккита голли узатмани ёздириб қўйган.
Хёйсеннинг «Реал» билан амалдаги меҳнат шартномаси 2030 йилгача мўлжалланган. Transfermarkt портали мутахассислари футболчининг трансфер қийматини 70 миллион еврога баҳоламоқда.
