Чемпионлар лигаси 1/8 финалининг илк учрашувида Лондоннинг «Челси» жамоаси сафарда Франциянинг «ПСЖ» клубига 2:5 ҳисобида имкониятни бой берди. Ушбу натижа ҳақида «аристократлар» ҳимоячиси Рис Жеймс ўз фикрларини билдирди.

«Майдонда 75 дақиқа давомида тенг кураш кечди, бироқ кейин ҳаммаси қўлимиздан чиқиб кетди. Ўйин биз кутгандек якунланмади. Бу бизни хафа қилади. Аммо Чемпионлар лигасида ҳар қандай ҳолат юз бериши мумкин. Бу — клублар футболидаги энг буюк турнир», — дея ҳимоячининг сўзларини келтиради Лондон клуби матбуот хизмати.

«Челси» ва «ПСЖ» ўртасидаги жавоб учрашуви 17 март, сешанба куни Лондоннинг «Стэмфорд Бридж» стадионида бўлиб ўтади.